ពិធីបុណ្យឆ្លងមហាកុដិ និងសម្ពោធសមិទ្ធផលនានា ក្នុងវត្តឧត្តមគីរីបព្វតាសិលាគង្គា(ហៅវត្តជ្រុងថ្មក្រពើហា)
ស្រុកមុខកំពូល៖ នាព្រឹកថ្ងៃអាទិត្យ ១១រោច ខែមាឃ ឆ្នាំរោង ឆស័ក ព.ស២៥៦៨ ត្រូវនឹងថ្ងៃទី២៣ ខែកុម្ភៈ ឆ្នាំ២០២៥ លោក យី យ៉េន អភិបាល អភិបាលស្រុកមុខកំពូល បានអញ្ជើញចូលរួមជាអធិបតីក្នុងពិធីបុណ្យឆ្លងមហាកុដិ និងសម្ពោធសមិទ្ធផលនានា ក្នុងវត្តឧត្តមគីរីបព្វតាសិលាគង្គា(ហៅវត្តជ្រុងថ្មក្រពើហា) ស្ថិតនៅភូមិឡឥដ្ឋ ឃុំព្រែកដំបង ស្រុកមុខកំពូល ខេត្តកណ្តាល។
ក្នុងពិធីនេះដែរ មានការនិមន្តអញ្ជេីញចូលរួម មន្ត្រីសង្ឃ មហាឧបាសកពុទ្ធសាសនូបមត្ថម្ភក៍ សៀក ឡេង មហាឧបាសកពុទ្ធសាសនូបមត្ថម្ភក៍ អ៉ឹម សួស្តី លោក លោកស្រី សមាជិកក្រុមប្រឹក្សាស្រុក អភិបាលរងស្រុក លោកមេបញ្ជាការកងកម្លាំងទាំងបី លោក លោកស្រី នាយក នាយករងរដ្ឋបាលសាលាស្រុក លោក លោកស្រី ប្រធានការិយាល័យចំណុះ និងជុំវិញរដ្ឋបាលស្រុក ស ស យកស្រុក កាយរិទ្ធ សមាគមរាជសី ប្រជាការពារភូមិ ឃុំ និងពុទ្ធបរិស័ទ សរុបប្រមាណ ៣០០នាក់។
ក្នុងឱកាសដ៏មហានក្ខត្តឬក្សនេះ លោក អភិបាលស្រុកមានប្រសាសន៍សំណេះសំណាល និងនាំយកបច្ច័យ
កសាងសមទ្ធិផលនានាចំនួន ២០,០០០,០០០រៀល និងឧបត្ថម្ភថវិកាដល់ប្រជាពលរដ្ឋក្នុងម្នាក់ សារ៉ុង១ ថវិកា ២ម៉ឺនរៀល និងចំណាយផ្សេងៗសរុប ៣០,០០០,០០០រៀល៕
#រដ្ឋបាលស្រុកមុខកំពូល
#ខេត្តកណ្តាល
